მარტივი ხრიკები, რომლებიც კაცს სექსუალურ მადას გაუძლიერებს » ბევრი გასაზიარებელი პოსტი ერთ სივრცეში
Techtunes

მარტივი ხრიკები, რომლებიც კაცს სექსუალურ მადას გაუძლიერებს

image
გსმენიათ ქმრებზე, რომლებიც საკუთარ ცოლებს ისე უყურებენ, როგორც გემრიელ ლუკმას, მიუხედავად იმისა, რომ ღმერთმა იცის, რამდენი წლის დაოჯახებულები არიან? იცით, როგორ ინარჩუნებენ ამგვარი წყვილები სექსუალურ ტონუსს?

რუტინის მნიშვნელობას, ადრე თუ გვიან, ყველა აცნობიერებს. მაგრამ ეს არ არის სასჯელი. მთავარია, დროულად შევნიშნოთ, რომ ცოტა მოვიწყინეთ, და ცოლქმრული ურთიერთობა გავაცოცხლოთ. იყავით არაპროგნოზირებადი. ნუ იმოქმედებთ ერთი და იმავე სცენარით. ეძებეთ ეროტიკული შთაგონების წყაროები. და კიდევ, აი, რა უნდა სცადოთ:

ისარგებლეთ მოულოდნელობის ელემენტებით
როდესაც ვარჯიშს, სახლის დალაგებას ან რემონტს გადაწყვეტთ და ძველ შარვალს ამოიცვამთ, რომელიც გასაფუჭებლად არ გენანებათ, შარვლის შიგნიდან მიმზიდველი საცვალი ჩაიცვით. ხოლო შემდეგ, ვითომ შემთხვევით, საყვარელი ადამიანის სიახლოვეს დაიხარეთ: დაინახოს თქვენი საცვლის პიკანტური მაქმანი, რომლის ნახვას ნამდვილად არ ელოდა, რადგან საშინაო ფორმაში ხართ.

გურმანობიდან ბუდუარამდე ერთი ნაბიჯია
როდესაც სუპერმარკეტში საყიდლებზე დადიხართ და კალათას რძითა და მაკარონით ავსებთ, მისწვდით იქვე, თაროზე ნაღებს და საყვარელ ადამიანს გადაუჩურჩულეთ: „როდესაც სახლში მივალთ, ეს გამოგვადგება“. ან შეგიძლიათ, მას შესთავაზოთ, აირჩიოს პროდუქტი, რომელსაც საძინებელში მიირთმევთ: მაგალითად, შოკოლადის პასტა, რომელსაც ის პირდაპირ თქვენი სხეულიდან ალოკავს. სალაროსთან თანხის გადახდის დროს მოლარეს, შესაძლოა, გაუკვირდეს თქვენი ხითხითი, მაგრამ თქვენ ხომ იცით მიზეზი?

დააყენეთ მაღვიძარა 15 წუთით ადრე
არა იმიტომ, რომ მაღვიძარას დარეკვიდან კიდევ 15 წუთი დაიძინოთ, არამედ იმიტომ, რომ ჯერ კიდევ მის მძინარე სხეულს მოეფეროთ და საყვარელი მამაკაცის ცხელ წერტილებს შეეხოთ. იყოს დილა არა მხოლოდ მშვიდობიანი, არამედ სასიამოვნოც.

სარეკლამო პაუზა
რეკლამა არა მხოლოდ იმისთვის გამოიგონეს, რომ საინტერესო ფილმის ყურებისას დაწყებული რეკლამის დროს სამზარეულოში შეირბინოთ და ბუტერბროდი მოამზადოთ, არამედ იმიტომაც, რომ ოჯახური ტელესეანსი გაამრავალფეროვნოთ და პარტნიორს გამოუცხადოთ, რომ ყოველ რეკლამაზე ერთ რამეს გაიხდით, ხოლო მან სხეულის იმ ნაწილზე უნდა გაკოცოთ, რომელსაც გამოაჩენთ.
ჯერ არასდროს ყოფილა სარეკლამო პაუზა ყველაზე დრამატულ მომენტში ასეთი სასიამოვნო. საინტერესოა, მოახერხებთ საყვარელი ფილმის ბოლომდე ნახვას?

სიურპრიზი მანქანაში
შეუმჩნევლად ჩაიგდეთ მანქანის „ბარდაჩოკში“ თქვენი სექსუალური ბიკინი. როდესაც საყვარელი მამაკაცი დაგირეკავთ და გეტყვით, რომ სამსახურიდან სახლში ბრუნდება, უთხარით: „ძვირფასო, შეამოწმე თუ შეიძლება, მანქანაში მზის სათვალე ხომ არ დამრჩა?“ მოვიდეს სახლში თქვენ ბიკინიზე ფიქრით, ხოლო როდესაც მოვა - თქვენც კარგად იცით, რა უნდა ქნათ.

funtime.ge
скачать dle 12.1
  • 22-07-2018, 11:33
  • 476

კომენტარის დამატება